سیاسەتی فاشیستی تورکیا هەمبەر بە کوردەکان نەگۆڕاوە

بە ڕاپۆرتی ئاژانسی هەواڵی مێهر، فەوزا یووسف ئەندامی دەستەی سەرۆکایەتی پارتی یەکێتی دیموکراتیک(پەیەدە) لە لێدوانێک بۆ ئاژانسی هاوار بە ئاماژە بەوەی کە تورکیا بە بیانووی بێهۆ هێرشی کردۆتە سەر باکوور و ڕۆژهەڵاتی سووریا، جەختی کرد: لەگەری دەست هەڵنەگرتنی تورکیا لە سیاسەتی خۆی بۆ نەکۆڵی و وێرانگەری، هیچ گۆرانێک مسۆگەر نابێت.

فەوزا یووسف ئەو هێرشانەی لە ئەنجامی درێژەی سیاسەتی دەوڵەت دژی گەلی کورد زانی و وتیشی: کردنە ئامانجی ژێرخانەکان لە باکوور و ڕۆژهەڵاتی سووریا و کوشتنی ژنان، منداڵان و خەڵکی مەدەنی جەنایەتی جەنگی و مرۆییە.

ئەندامی دەستەی سەرۆکایەتی پەیەدە هێرشە تیرۆریستییەکەی ئەنقەرەی کە بیانووی تورکیا بۆ ئەو هێرشانە بووە، نادەروەست بە ئیدارەی خۆسەری باکوور و ڕۆژهەڵاتی سووریا زانی، ڕاشیگەیاند: دەوڵەتی تورکیا دەیەوێ بە بیانووی بێهۆ هێرشی دڕندانەی خۆی پاساو بدات و فێر بووە هەر هێرشێکی بکرێتە سەر، پەلاماری باکوور و ڕۆژهەڵاتی سووریا دەدات. تورکیا بەو کارەی دەیەوێ بنکەیەک بۆ هێزە ڕادیکاڵەکان بکاتەوە و ئەوان بۆ تێکشکاندنی بەڕیوەبەریی خۆسەر و داگیرکردنی ناوچەکە هان بدات.

ناوبراو جەختی لەوەش کرد: دەوڵەتی تورکیا جگە لە بژێرە سەربازی هیچ پلانێکی تری نییە و هەمیشەش لەو سۆنگەوە شکستی هێناوە. ئەو دەوڵەتە ئەگەرچی پێداگرە لە گۆڕینی ستراتژییەکانی، بەلام ستراتژی و ئامانجەکانی هەمبەر بە کوردەکان و ناوچەکە نەگۆڕاوە.